প্ৰবন্ধঃ অসমীয়া গালি-শপনিবোৰঃ বিজয়া বৰুৱা

ইচিকমানি গল্প

                                            ধৰিত্ৰী শৰণীয়া।

#খণ্ড ১
১

ধৰ্ষিতাঃ

ধৰ্ষণৰ বাতৰিটো শুনি লভিতাৰ বুকুখন বিষাই উঠিল, তায়ো দেখোন প্ৰতিটো নিশাই বৈধভাৱে ধৰ্ষিতা হয়৷

২

ফাঁকিঃ

সোণপাহিৰ মৃত্যুতহে অৰুণাভে গম পালে তাইৰ দেহত বাহ লোৱা ব্লাড-কেঞ্চাৰৰূপী কীটটোৰ কথা, যাৰ বাবেই দুচকুত এসাগৰ প্ৰেম লৈও তাৰ ভালপোৱাক তাই প্ৰত্যাখ্যান কৰি আহিছিল৷

৩

চোৰঃ

পেটৰ ভোকত সাধাৰণ বিস্কুট এপেকেট চুৰ কৰা ল’ৰাটোক শাস্তি দিবলৈ উদ্যত হ’ল ৰাইজক ঠগি ডাঙৰ মানুহ হোৱা ৰবীন ঠিকাদাৰ৷ তাকে দেখি সি সৰ্বস্বান্ত কৰা ফাগুনীয়ে শব্দ কৰি মাটিত থুঁ পেলাই দিলে৷

৪

ভোকঃ

অতদিনে প্ৰত্যাখ্যান কৰি আহিও পোৱালিটোৰ পেটটোৰ বাবেই অৱশেষত সোণপাহীয়ে মহাজনৰ প্ৰস্তাৱ মানি ল’ব বাধ্য হ’ল৷

৫

সপোনঃ

ৰঙীন সপোন খেদি খেদি মহানগৰী পোৱা তাই আজি মহানগৰীৰ এটা অন্ধকাৰ গলিত আৱদ্ধ হৈ পৰিল৷