কবিতাঃ অপেক্ষাঃ কুশল বৰুৱা

অপেক্ষা

আজি বহু দিনেই হ'ল
ভালদৰে শুব পৰা নাই
প্ৰতিটো ৰাতি পাৰ কৰিছো উজাগৰে
মুখত আৰু কিমান দিন এই মিছা হাঁহি
আৰু কিমান নিজে সুখী হোৱাৰ অভিনয়

আহ... কি যে কষ্টকৰ
দিন ৰাতি একাকাৰ কৰিছো
সময়ে যে ৰ’ৱকে নিবিচাৰে
কি সময় ,
কি পল -অনুপল...

সকলো একেই
কোনেও নাচায় ঘূৰি
দৌৰি ফুৰিছো মাথোঁ
সকলো দেখোন মৰীচিকা
ভোগ বিলাসৰ মৰীচিকা...

এন্ধাৰৰ মাজত ৰৈ গৈছোঁ
চাৰিওফালে মাথোঁ এন্ধাৰ
মই যে ক্ৰমান্বয়ে হেৰাই গৈছোঁ এন্ধাৰৰ মাজত
মাথোঁ অপেক্ষা এমুঠি পোহৰৰ
যি পোহৰে দিব মোক
জীয়াই থকাৰ প্ৰেৰণা ৷

মাথোঁ অপেক্ষা
এটা সুখৰ দিনৰ....

✍কুশল বৰুৱা
  ০৪.১১.২০১৮